Bihar School Examination Board (BSEB) har saal ki tarah is saal bhi desh mein sabse pehle board result jaari karne ki taiyari mein hai. Bihar Board 10th Result 2026 ka intezar kar rahe 16 lakh se zyada students ke liye badi khabar hai. Board ne Matric ki parikshayein 17 February se 25 February 2026 tak successfully khatam kar li hain aur ab copy checking ka process tezi se chal raha hai.
Matric Percentage Tool
Bihar Board ka track record raha hai ki wo exam khatam hone ke 30-35 dinon ke andar result announce kar deta hai. Is saal bhi ummeed hai ki March 2026 ke last week (tentatively 27-31 March) tak result official website par publish kar diya jayega. Is article mein hum aapko result check karne ka direct link aur step-by-step help provide karenge.
Bihar Board 10th Result 2026 Overview & Dates
Bhai, is table mein maine result se judi saari important dates aur highlights add kar di hain taaki aap update rahein.
| Detail Category | Bihar Board Matric Result 2026 Details |
| Board Name | Bihar School Examination Board (BSEB) |
| Exam Name | BSEB Matric (Class 10th) Exam 2026 |
| Total Students | ~16,12,000 |
| Exam Dates | 17 February – 25 February 2026 |
| Copy Evaluation Starts | March 1st Week 2026 |
| Result Status | Expected: Last Week of March 2026 |
| Passing Marks | 33% in each subject |
| Official Websites | biharboardonline.bihar.gov.in / secondary.biharboardonline.com |
Bihar Board 10th Result Check Online Kaise Karein? (Step-by-Step)
Result aane par heavy traffic ke karan website slow ho sakti hai, isliye in simple steps ka use karke apna result jaldi dekhein:
- Sabse pehle BSEB ki official website biharboardonline.bihar.gov.in par jayein.
- Home page par “Annual Secondary Examination Result 2026” ke link par click karein.
- Ab aapke samne ek naya login page khulega.
- Yahan apna Roll Code (5 digit) aur Roll Number enter karein.
- Screen par dikh rahe Captcha code (Math sum) ko solve karke enter karein.
- “View” ya “Submit” button par click karein.
- Aapka Bihar Board 10th Result marksheet ke sath screen par dikhayi dega. Iska printout zaroor nikal lein.
Result Check Karne Ke Anya Tarike (SMS & DigiLocker)
Agar website na khule toh aap in do tarikon se bhi result dekh sakte hain:
1 SMS Ke Zariye
Bina internet ke result dekhne ke liye:
- Apne phone ke message box mein jayein.
- Type karein:
BIHAR10 <Space> ROLL-NUMBER. - Is message ko 56263 par bhej dein.
- Kuch hi der mein aapka result SMS ke roop mein mil jayega.
2 DigiLocker App
Sarkaari marksheet download karne ke liye DigiLocker app ka use karein:
- DigiLocker mein login karein aur “Bihar School Examination Board” select karein.
- Apna Roll Number aur Year (2026) enter karke digital marksheet fetch karein.
FAQs Bihar Board 10th Result 2026
Q1 Bihar Board 10th result 2026 kab aayega?
Ans Bihar Board Matric ka result March 2026 ke antim (last) hafte mein aane ki poori sambhavna hai.
Q2 Matric mein pass hone ke liye kitne marks chahiye?
Ans Har subject mein kam se kam 33% marks lana anivarya hai. Agar aap ek ya do subjects mein fail hote hain, toh aap Compartment exam de sakte hain.
Q3 Kya result ke baad marks badhvaye ja sakte hain?
Ans Haan, agar aap apne marks se khush nahi hain, toh aap Scrutiny (Re-evaluation) ke liye apply kar sakte hain jo April 2026 mein shuru hogi.
Q4 Roll Number kahan se milega?
Ans Aapka Roll Number aur Roll Code aapke Admit Card par diya gaya hai jo aapko school se mila tha.
Q5 Result check karne ki official website kya hai?
Ans Mukhya website biharboardonline.bihar.gov.in aur results.biharboardonline.com hai.